Gune honetako 10 film Jarrion aplikazioan, etxean ikusteko moduan

Gune honetan bildutako hamar film, etxean ikusteko moduan jarri ditugu, Jarrion aplikazioaren bidez.

Euskarazko ikus-entzunezkoak biltzen dituen aplikazio bat da Jarrion, Android eta iOS (iPhone) sistemetarako dago gaitua, eta bideo zein podcast artxiboak ikus eta entzuteko balio du. Baliagarritasun hori batez ere etxean Chromecast gailu bat baldin badaukazu nabarmentzen da. Kasu horretan, mugikorretik etxeko telebistara bidal dezakezu seinalea, eta telebistan ikusi eduki horiek (baita podcastak edo zuzeneko irrati-seinaleak entzun ere).

Film euskaraz azpidatzita ikusteko aukerak kontestu horretan du zentzua: telebistan ikus daitezke hemen bildu dugun lagin hau. Mugikorrean ere ikus daitezke, baina txikiegi suertartuko da irudia, esperientzia telebistarako dago pentsatua.

Hauek dira lehen esperientzia hau frogatzeko aukeratu ditugun filmak:

• Cinema Paradiso
• The Night of the Living Dead
• Freaks
• D.O.A.
• Rocky Horror Picture Show
• Cave of Forgotten Dreams
• Logorama
• Taxi to the Dark Side
• Tanna
• Stonewall Uprising
  

Adibideko pantaila irudi bat, Freaks filmekoa:

Jarrion probatzeko, instalatu hemendik: Jarrion.eus