Star Wars, 1. trilogia euskaraz osatuta

Azken asteetako ekarpen batzuei esker, osatua geratu da Star Wars-eko lehen trilogia klasikoa. Aspalditik geneukan 3. zatia, baina aurten Jabier Zabaletak eta Luistxo Fernandezek osatu dituzte beste bi film, eta hortxe ditugu beraz.

• Star Wars (1977)
• The Empire Strikes Back (1980)
• Return of the Jedi (1983)

Gainera, film hauek euskarazko audioarekin lor daitezke Euskal Encodings-en, Igor Leturiak egin zuen arkeologia teknologikoko lanari esker.

Trilogiak aurrekari historiko gisako prequel batzuk izango zituela erabaki zutenean, 3 atal horiek berrizendatu egin zituzten Episode IV (A New Hope), Episode V eta Episode VI gisa. Prekuelen trilogia modernoago hori ez dugu euskaratua oraingoz. Kritikarien iritziz, kalitatez okerragoa da. Hauek dira filmak:

• Star Wars Episode I: The Phantom Menace
• Star Wars Episode II: Attack of the Clones
• Star Wars Episode III: Revenge of the Sith

Aurten, 2015. urte honen amaieran, berriz denboran aurrera eginez, Episode VII The Force Awakens estreinatuko da.