3 Body Problem

Azpitituluak-eus — 2024/03/25 09:39:00 GMT+1
3 Body Problem

3 Body Problem (euskaraz: «Hiru Gorputzen Problema») David Benioff, D. B. Weiss eta Alexander Wook showrunner gisa sortutako zientzia-fikziozko telesail estatubatuarra da. Show-sortzaile horietan bi lehenak bereziki ezagunak dira Game of Thrones sortu zutelako telebistarako.

Liu Cixin nobelagile txinatarraren eleberri bat dago oinarrian (Remembrance of Earth's Past), baina lehen alearen izena da Hiru Gorputzena, eta hurrengo bi liburuak beste izenburu batzuk dituzten arren (Baso Iluna eta Heriotzaren Amaiera), telesail honetan jada 2. eta 3. liburukietan agertzen diren pasarte batzuk integratuta daude. Guztiarekin,badirudi telesailak jarraipena izango duela, trilogian asko baitago kontatzeko oraindik, eta agian beste 2 edo 3 denboralditan luzatuko dute.

Fitxategirik ez
Azpitituluak-eus dio:
2024/03/25 09:44
Lehen denboraldia, 2024koa, 8 atalekoa. Non Lurrean jakiten den estralurtar zibilizazio bat dagoela hor kanpoan, eta arriskugarria dela gainera.

Sinopsia: Ye Wenjie astrofisikari txinatarrak haurra zela kusi zuen bere aita fisikaria nola bortizki tratatu eta hil zuten Txinako Iraultza Kulturalean. Geroago, armadak erreklutatu egin zuen bere ezagutza zientifikoa zela eta, eta urruneko eskualde batean radar sekretuko base batera bidali zuten, non irrati-teleskopio batekin esperimentuak egiten dituzte. Txinako 1960ko hamarkadako gertaera horiek flashback eta flasforwardekin nahasten dira 2024ko Londresko gertaerekin: lehen mailako zientzialariak suizidatzen ari dira, eta zerbitzu polizial sekretu bateko agenteak hori ikertzen ari dira.

Atalen zuzendaria: Derek Tsang. Aktoreak: Saamer Usmani, Jess Hong:, Jovan Adepo, Rosalind Chao, John Bradley, Eiza González, Liam Cunningham, Benedict Wong, Jonathan Pryce. Hizkuntzak: ingelesa, txinera. Plataforma: Netflix.
Deskargatu